Gañadores do Interrail!!

Perdoade este abandono de blog, pero como xa todos sabedes, isto rematou coa pedazo de xuntanza que houbo no FESTIVAL DA CHICHARRA!!

E como vexo que moitos estades a preguntar polo sorteo do interrail aquí van os gañadores:

O SOCIO Nº 49 E O FR82

Noraboa e desfrutade da viaxe!!

os suplentes son: FR75, 37, 43 e PM3

uff, a verdade é que fastidia saber que sodes suplentes verdade??

Pois nada eu deixovos ata ter novas das vindeiras NOITES ABERTAS

Gracias a todos e ata prontiño!!!

E veña premios!! comprobade na lista se sodes un dos afortunados (coma mín).
Non esquezades que o vindeiro sábado día 30 temos unha cita coa CHICHARRA!!!
espero vervos a todos alí... e por certo aínda non vexo comentarios sobre a exposición de LOMO que tedes no local de música, espero que non sexa porque aínda non pasastes por alí!!

EXPOSICIÓN LOMO

Moz@s non esquezades que tedes a exposición das mellores lomografías feitas durante o obradoiro de LOMO. Estará no LOCAL DE MÚSICA (ó lado da estación de tren).

botádelle un ollo! dende o 15 de maio ata o 15 de xuño estarán alí as lomografías para que as poidades criticar!!

Noraboa a todos aqueles que participástedes, espero "pillarvos" polas rúas con esas "cámaras raras" das que xa falan por Pontevedra!

Non esquezades que hoxe hai cociña de novo!! xa vedes como se puxeron as botas na sesión pasada!! Eu tiven a sorte de poder probar un pouquiño de cada eh...mmmm...dígovos que estaban de pinga!

Isto é ideal para que as festas en "piso de estudante" resulten un chisco máis "sofisticadas" e poidades sorprender ós vosos colegas.

Achegádevos esta noite...¿a ver que máis podemos aprender a facer na cociña?

3º sorteo noites

Aquí vos teño o listado dos premiados neste terceiro sorteo de noites, noraboa a todos aqueles que resultastedes premiados (coma min desta vez!)e non esquezades que "Noites" seguirá repartindo regalos no próximo sorteo!

Estou sorprendida, de este sábado pasado sairon cousas moi intesantes verdade?? é unha pena que isto estea chegando ó seu final... o próximo día será o último que "lomografiemos" a cidade. Xa que logo, o que nos queda, é editar,organizar e decidir o deseño da nosa exposición!

Xa deu comezo iso dos "grafacólitos" e con moi boa aceptación, como podedes ver estes xa son uns artistas en potencia.
Os de "lomo" aparecemos de intrusos na súa faena e fixemos a nosa pequena reportaxe lomográfica, veremos os resultados a vindeira semana (espero dobres exposicións!).
Aquí estes "mataos" que pintan con "esprais" e nos pintamos coa luz!je. É broma, a estas alturas ninguén pode dubidar que o graffiti é esa arte que non pode estar pechada ,que temos o privilexio de poder mirar sen ter que ir a ningún museo, gracias!

gañadores do 2º sorteo de noites!

Estás na lista? será porque aínda non fixeches o teu carné de socio, porque tes que ser moi gafe (coma min) para que non che toque unha sudadeira!
Se aínda non sodes socios, non sei a que esperades, é gratis!! quedan aínda sorteos por facer, e non esquezades que no último sorteo entran en xogo dúas viaxes interrail!!

P.D. Hoxe comeza o obradoiro de graffiti! xa o estabades desexando eh! pois veremos que "artistadas" saen de aí!

Velaquí unha dobre exposición, si si, "habelas hailas"!
Malia que estabades todos reacios a probar algo diferente a "premer o botón" e bota a correr.. vexo que alguén se decidiu a probar, e con moi bo resultado, todo sexa dito de paso.
A ver se o próximo día que saiamos á rúa vos animades coas dobres exposicións, xa vedes os resultados!
De tódolos xeitos non esquezades que o próximo día estaremos na aula de informática, dándolle uns toques lomográficos ás nosas fotos dixitais, é dicir "NON ESQUEZADES TRAER FOTOS" para darlles esas cores saturadas, viñeteados...incluso algunha dobre exposición inventada, aínda que non é o mesmo. Ademais cabe dicir que imos en contra das regras lomo!! pero haberá que adaptarse a era dixital digo eu...

O Rei da Pista!

O 21 de marzo participaron 12 equipos na actividade de fútbol sala no Multiusos. Foron 61 mozos de entre 12 e 25 anos, animaránse algunha vez as mozas??, quizáis deberíamos pensar en facer "A RAÍÑA DA PISTA"! pero que mellor satisfacción que darlle unha malleira ós rapaces xogando ó futbol sala??
MOZAS NON DUBIDEDES EN SACÁRLLELO TRONO!!
Ao longo de dúas horas, xogáronse dez partidos en cada pista!!

Lembrade que a próxima cita será o vindeiro sábado no campo de herba sintética da Xunqueira con fútbol 7 a partir das 22 h, admítense mozos, mozas e demáis familia, sempre e cando teñan entre 12 e 30 anos (abstéñanse os que non queren pasalo ben suando a camiseta).

aínda o pasamos ben eh!

next one lomo!

Se vedes un sábado pola noite a alguén facendo o que fai a rapaza da foto, non pensedes que se atopa mal e que tivo unha "pequena indixestión",nooon! seguramente é unha "lomógrafa" en toda regra que vai en busca do mellor ángulo para facer a súa "lomografía".

Sen comentarios!!
deixando abraiada á xente na rúa!!

QUEN DIXO OURO??

Queredes estar guapisim@s para calquera acto oficial sen perder a vosa personalidade?? ou simplemente para que vos miren abraiados pola rúa??. O mellor é confeccionar a nosa xoia persoal con feltro! deixemos que os demais vexan o que nos define botando man da nosa imaxinación e creatividade...

Como auténticos cabaleiros (e señoritas)!

Xa deu comezo, tamén, o tan esperado obradoiro de esgrima; non sabemos se é pola simpatía dos seus monitores ou se realmente os mozos e mozas de Pontevedra queren divertirse con algo que non sexa o novo xogo da "Play" ou outro dos simulacros da "wii"...(tal vez sexan as dúas cousas,je), pero o que si é certo é que o éxito desta actividade é evidente, contando no seu primeiro día con 19 participantes!!. Achégate se non o probaches aínda...

FIIIIIIITBAAAAALLL!!!

Non sabedes o relaxante que pode chegar a ser sentir que flotaaadeeesss!! grazas á máxica bola de "fitball"!! tal vez o feito de que este obradoiro non estea no mesmo centro da cidade nos faga ser un chisco máis preguiceiros á hora de achegarmos ao pavillón multiusos, pero, merece a pena!
Esquecede un ratiño as clases, relaxádevos outro anaquiño coa axuda d@s nos@s monitor@s de "fitball" e estaredes listos para saír con moitísima máis enerxía!!

LOMO ON!

Quen nos ía dicir que aqueles dous rapaces vieneses que descubriron aquelas cámaras rusas tan chusquiñas nun rastro naquela recente República Checa (1996),ían facer que NOITES ABERTAS de 2009 adicase algunhas destas noites a lomografiar polas rúas!!
Espero que esteades desexando que chegue o vindeiro sábado para seguir coa vosa visión lomográfica da cidade! e os que aínda non experimentaron o poder xogar coa "aparente realidade" que non dubiden en achegarse e intentalo con nós, unha das características que ten que ter un bó lomógrafo é a facilidade de relacionarse con todo iso que o rodea, xa sexa un can ou unha farola, canto máis con aqueles que se queren unir a experimentar con algunha das nosas cámaras, xa sexa a nosa LOMO Lc-a, a nosa ollo de peixe, a ACTION SAMPLER ou a humilde HOLGA PINHOLE!

Velaquí algunhas das lomografías que fixéstedes (estiven a puntiño de enviar unha ó programa de IKER JIMÉNEZ)

Non esquezades levar trípode para o próximo día todos aqueles que poidades, xa que na nosa primeira saída fomos demasiado optimistas no tocante á luz!!

E ti, Pedro, non esquezas levar a túa DIANA, que che teño un regaliño para o vindeiro sábado!!

LOMO ON!!

REPARTINDO PREMIOS!!

Gañadores do 1º sorteo de Noites Abertas.

Coma eles, ti podes participar nos sorteos de Noites Abertas que se celebran cada mes.O premio consistíu en cadansúa sudadeira pero tamén se sortearon camisetas e bonos de 30 € para mercar libros.
Se aínda non tes o teu carné de socio/a de Noites Abertas faino canto antes nas actividades ás que acudas. Axiña celebraremos o segundo sorteo, que será o 28 de marzo.
Tamén podes asistir aos sorteo no lugar e hora indicados no programa de actividades e se tes sorte, recoller alí mesmo o teu premio.
Sorte!!! :-)

Aberta inscrición para os obradoiros de erotismo e sexualidade do "Quérote"

Se tes entre 16 e 30 anos xa podes inscribirte no OBRADOIRO AFECTIVO-SEXUAL do "Quérote" para o día 6 de marzo ás 21 h. na Casa Azul.

E, ti moza, se tes entre 18 e 30 anos, tamén podes incribirte no OBRADOIRO DE EROTISMO PARA MULLERES que será o día 13 de marzo a partir das 22 h. tamén na Casa Azul

Inscríbete chamando a Xuventude no 986 840367 (de luns a venres de 9 a 15 h.) ou a través do mail a xuventude@concellopontevedra.es

Encontrámonos con Celso Bugallo en Noites Abertas

CELSO BUGALLO, gañador dun Goya ao mellor actor de reparto por "Mar adentro" estivo en Noites Abertas conversando con nós sobre a súa experiencia cinematográfica. Con el falamos de cinema, de directores, actores, actrices ... e sobre todo, das súas anéctodas e experiencias nas rodaxes de películas tan coñecidas como "Mar adentro", "Los Lunes al Sol", "La noche de los girasoles", "Salvador", e a súa última estrea, a premiada "Cenizas del Cielo".
Tamén nos falou das súas últimas rodaxes, “Agallas” con Carmelo Gómez, e de “La isla interior”con Candela Peña, filmes que se estrearán en breve. Celso, vive en Pontevedra dende hai case vinte anos e contounos que se atopa moi a gusto nesta cidade e coa súa xente; que lle gusta que o paren pola rúa para falar do seu traballo.
Moitas grazas Celso polo rato tan agradable que compartiches con nós e noraboa polos teus éxitos.

Noites comeza!

Despois de pasar as fins de semana a vagar polas rúas sen ter que facer, por fin chega Noites!!
A verdade é que custa elixir actividade...a gran vantaxe é que podemos pasear polas rúas de Pontevedra e decidir polo camiño xa que non temos que reservar praza, simplemente, deslizámonos na actividade que nos peta nesa fin de semana, coma quen entra nun "garito"(neste caso de boa fama), e logo a pasalo ben e a coñecer xente.
Ó parecer este venres pasado no obradoiro de "coiro" enchéronse as prazas, pero como hai alternativas ninguén quedou sen actividade no seu tempo de lecer, ademáis non debemos esquecer que quedan moitas "noites" por diante! Aproxímanse obradoiros moi interesantes!!

algunha lembranza do ano pasado!

noites abertas, X edición

NOITES ABERTAS pon en marcha a súa X edición

Xa están aquí por X ano consecutivo as Noites Abertas de Pontevedra. Este ano coas actividades máis demandadas (esgrima, fútbol sala, patinaxe, abalorios, graffiti, break, skate, bailes...) pero tamén con novidades que seguro vos gustarán: obradoiros de cociña, fotografía-lomografía, erotismo, obradoiros de disfraces e de maquillaxes...

Todas as actividades son gratuítas pero has ter entre 12 e 30 anos para participar.

Atoparás máis de 50 actividades diferentes!!!

FÍSICO-DEPORTIVAS: fitball; esgrima; bádminton; pista aberta de baloncesto; patinaxe; fútbol 7: o rei da pista; fútbol sala: o rei da pista; break e exhibicións; excursión ao bowl de skate.

CULTURAIS: festival da Chicharra 2009; ruta nocturna histórico-ambiental polo Lérez con chocolatada; ruta nocturna: observación de insectos no Gafos e chocolatada; Café-coloquio con Celso Bugallo; baile: merengue, bachata, salsa, ritmos latinos, zouk, aerodance, bailoterapia; danza oriental.

FORMATIVAS: fotografía-lomografía; graffacólitos: obradoiro de graffiti; obradoiros de cociña (afrodisíaca, vexetariana, pinchos e aperitivos, masas e pastas, doces); obradoiros de informática; djembé: obradoiro percusión; automaquillaxe e autoimaxe (iniciación); automaquillaxe e autoimaxe (perfeccionamento); maquillaxes de fantasía para o Entroido; maquillaxes de envellecemento para o Entroido.

LÚDICAS: obradoiros de disfraces; de velas; xogos de mesa: trivial, party, pin pon; malabares, xogos e manualidades; abelorios & metal: bonsais; feltro: broches, pendentes e aneis, colgantes e pulseiras; coiro; tinguidura de camisetas; carteiras de cómic; obradoiro de atrapasoños; fimo: broches e colares; malabares: pelotas, cariocas e paus chinos; obradoiro de rap.

ESPECIAIS E DE DESENVOVEMENTO PERSOAL: obradoiro afectivo-sexual: "sen previa cita"; obradoiro de erotismo para mulleres; obradoiro de sexualidade e sida; masaxe de pés; masaxe tailandesa; risoterapia; arteterapia: pintura en grupo; sorteos de lotes libros, sudadeiras, camisetas e viaxes; Blog N.A.

INFORMACIÓN: www.noitesabertas.com

Coordinación do programa Noites Abertas

Departamento de Xuventude

Área de Dinamización Sociocultural e Deportes - Concello de Pontevedra

Casa Azul, rúa de Sor Lucía, 2, 3º 36001 Pontevedra

Tel. 986 840 367 Tel. fax 986 846 145 xuventude@concellopontevedra.es